Isang nakakagulat na rebelasyon ang yayanig sa mundo ng boxing matapos ilantad ni Caloy Olivares (Wendell Ramos) ang diumano’y sikreto ni Nonoy Batumbakal (Neil Ryan Sese). Paano haharapin ni Nonoy ang eskandalong maaaring sumira sa kanyang pangalan bilang kampeon?
Dahil sa walang tigil na panghuhusga at matinding kontrobersyang bumabalot sa kanyang pangalan, nagdesisyon si Nonoy (Neil Ryan Sese) na lumayo muna sa kanyang asawa at anak upang hindi na sila madamay sa kahihiyan.
Tuluyan nang bumitaw si Nadia matapos niyang mahuling may koneksyon pa rin si Nonoy sa lalaking dahilan ng pagkasira ng kanilang pamilya. May pag-asa pa kayang mabuo muli ang wasak nilang pamilya?
Matapos siyang iwan ng kanyang ama, haharapin muli ni Makmak ang panibagong sakit ngayon na ang kanyang ina naman ang magpapaalam at lalayo sa kanya.
Magkakaroon si Makmak ng pagkakataong sundan ang yapak ng kanyang ama at maging isa ring boksingero, ngunit papayag kaya ang kanyang pamilya sa tatahakin niyang landas?
Dahil sa sunod-sunod na pagsubok at panghuhusga na kanyang nararanasan, nagsimulang magdalawang-isip si Makmak kung itutuloy pa ba niya ang kanyang pangarap sa boxing. Tuluyan na nga bang susuko si Makmak sa laban?
Dumating na ang pinakahihintay na unang pagsalang ni Makmak sa boxing ring. Ngunit sapat na kaya ang kanyang tapang at talento upang patunayan na hindi siya katulad ng pagkakakilala ng mga tao sa kanyang ama?
Matapos ang nakakabilib niyang panalo sa unang laban, nakuha ni Makmak ang atensyon ni Caloy, ang dating pinakamahigpit na karibal ng kanyang ama sa boxing ring.
Hindi alam ni Makmak na unti-unti na siyang nagiging usap-usapan sa social media dahil sa kanyang sunod-sunod na panalo sa boxing ring. Ito na kaya ang simula ng kanyang pag-angat sa mundo ng boxing?
Natalo si Makmak sa kanilang paghaharap ni Ivan, ngunit may ilang naniniwala na dinaya siya nito. Magagawa kaya niyang patunayan ang kanilang paratang at magpatawag ng rematch?
Sa kabila ng kanilang mga hindi pagkakaunawaan, nakumbinsi ni Makmak si Domeng na sanayin siya upang maging pinakamahusay na boksingero sa kanilang bayan.
Sa wakas ay nakumbinsi ni Makmak ang kanyang lolo na si Domeng na siya mismo ang magsanay sa kanya habang naghahanda siya para sa mas malalaking hamon sa mundo ng boxing. Magiging susi kaya ang kanilang samahan upang maging kampeon siya balang araw?
Sa gitna ng pinakaaabangang rematch ni Makmak, hindi niya inaasahang muling makita ang kanyang ama. Ano kaya ang magiging epekto nito sa kanyang laban?
Sa kabila ng injury at mga balakid na inilatag ng kanyang mga kalaban, hindi nagpatinag si Makmak sa kanyang pinakamatinding laban at pinatunayan na walang makakapigil sa kanyang pangarap na maging kampeon.
Matapos ang maraming taon ng pananahimik at pagtatago, sa wakas ay humarap na si Nonoy sa kanyang ama na si Domeng upang pag-usapan ang pagpasok ni Makmak sa mundo ng boksing. Anong mga damdamin at alaala ng nakaraan ang muling mabubuhay sa pagitan nilang mag-ama?
Dahil sa matinding pagdududa, direktahang kinompronta ni Caloy si Makmak tungkol sa kanyang relasyon kay Domeng. Mabubunyag na ba ang matagal nang itinatagong sikreto?
Matapos mabunyag ang tunay na kalagayan ni Nadia sa ibang bansa, handang gawin ni Makmak ang lahat upang matulungan ang kanyang ina. Dahil dito, papasok siya sa mapanganib na mundo ng underground boxing. Ano kaya ang magiging kahihinatnan ng kanyang desisyon?
Walang makakapigil kay Makmak sa pagpasok sa mapanganib na mundo ng underground boxing para sa premyong makakatulong kay Nadia, kahit pa buhay niya ang nakataya. Magtatagumpay kaya siya sa kanyang unang laban?
Nagtamo ng matinding pinsala si Makmak sa kanyang underground fight kaya agad siyang isinugod sa ospital. Maililigtas pa kaya ang batang kampeon bago maging huli ang lahat?
Bagamat nakaligtas si Makmak sa matitinding panganib ng underground fighting, matinding pagkadismaya naman mula sa kanyang pamilya ang kanyang hinarap. Magagawa kaya niyang maibalik ang kanilang tiwala at suporta?
Sa kabila ng matinding pagkakabugbog at mga pisikal na pagsubok na kanyang pinagdaanan, hindi pa rin sumusuko si Makmak sa kanyang pangarap. Mas determinado pa siyang ipagpatuloy ang kanyang paglalakbay sa mundo ng boxing at patunayan ang kanyang kakayahan.
Pagkatapos ng laban sa underground arena, hindi pa rin sumusuko si Makmak at patuloy na umaasa na mabibigyan siya ng second chance para makabalik sa Guerrero Team. Magkakaroon pa kaya siya ng pagkakataong makabalik?
Matapos pakiusapan ni Nonoy si Alex, balik-training na si Makmak at mas ganado pa ngayon sa pag-eensayo. Dahil kay Chloe, mas inspired siya kaysa dati na abutin ang kanyang mga pangarap sa boxing!
Matapos mag-sorry si Chloe kay Makmak dahil sa ginawa ng kanyang amang si Caloy sa boxing career nito, nagkaroon ng lakas ng loob si Makmak na aminin ang matagal na niyang tinatagong nararamdaman para kay Chloe. Ano kaya ang magiging sagot nito?
Muling magkakaroon si Makmak ng pangalawang pagkakataon sa kanyang boxing career dahil sa sakripisyong ginawa ng kanyang amang si Nonoy. Ito na kaya ang magiging daan upang tuluyan na silang magkaayos bilang mag-ama?
Makmak, muling sasabak sa bakbakan! Matapos magpahinga at magpagaling, muling sasabak sa ring si Makmak para sa kanyang boxing match. Handa na kaya siyang patunayan na mas malakas na siya kaysa dati?
Matapos manalo sa laban, hinalikan ni Chloe si Makmak bilang congratulatory kiss. Samantala, may binabalak na masama sina Lance at Caloy laban kay Nonoy. Ano kaya ang kanilang plano?
Matapos ipagkalat nina Caloy at Lance ang video ni Nonoy na naka-gown, hindi na napigilan ni Nonoy ang kanyang galit at agad niyang hinarap si Caloy upang makipagtuos. Muling sisiklab kaya ang matagal na nilang alitan?
Pinayuhan ni Caloy si Lance kung paano nila mapapabagsak si Makmak at ang ama nitong si Nonoy. Magtatagumpay kaya ang kanilang masamang balak, o muli itong malalampasan ng mag-ama?
Nagkasundo sina Makmak at Lance sa isang matinding pustahan. Kapag natalo si Lance sa kanilang sparring, magsusuot siya ng gown. Ngunit kapag si Makmak naman ang natalo, lalayuan niya si Chloe. Sino kaya ang mananalo?
Matapos malaman ni Makmak ang buong katotohanan sa likod ng viral video ni Nonoy, nagbago ang kanyang pananaw sa ama at hiniling niya itong maging coach sa nalalapit niyang laban. Magiging simula na kaya ito ng tuluyan nilang pagkakaayos bilang mag-ama?
Opisyal nang magsisimula ang training ni Makmak sa ilalim ng gabay ng kanyang amang si Nonoy bilang bago niyang coach. Magiging susi kaya ang kanilang pagsasama upang makamit niya ang tagumpay sa boxing?
Nang magsimula ang training ni Makmak sa ilalim ni Nonoy, napagdesisyunan niyang gamitin ang apelyido ng kanyang ama sa pagsalang niya sa ring. Magiging simula na kaya ito ng panibagong yugto sa kanyang boxing career?
Sa gitna ng pagdiriwang ng kanyang tagumpay, maglalakas-loob si Makmak na hingin kay Chloe ang pagkakataong maging kanyang kasintahan. Tatanggapin kaya ni Chloe ang kanyang alok?
Matapos tanggihan ang proposal ni Makmak na maging nobya nito, agad ding inamin ni Chloe ang tunay niyang nararamdaman para sa kanya. Simula na kaya ito ng kanilang matagal nang hinihintay na pag-iibigan?
Sa kabila ng kanyang panalo, dismayado pa rin si Lance nang makitang si Makmak pa rin ang mas hinahangaan ng mga tao. Dahil dito, hinamon niya si Makmak sa isang grudge match upang patunayan kung sino ang tunay na mas magaling. Sino kaya ang mananaig sa kanilang muling paghaharap?
Matapos mag-viral ang video ng pagkatalo ni Lance sa laban nila ni Makmak, determinado siyang maghiganti laban sa taong nagpakalat nito. Hanggang saan kaya ang kanyang gagawin upang makabawi?
Dinala ni Nonoy si Makmak sa laban ng kanyang magiging kalaban upang mapag-aralan ang kakayahan at mga diskarte nito bilang paghahanda sa kanilang nalalapit na paghaharap. Magiging sapat kaya ang paghahandang ito upang makamit ni Makmak ang tagumpay?
Patuloy na sinusubukan ni Nonoy na makipagkasundo kay Nadia, habang umaasa naman si Makmak na magkakabati na ang kanyang mga magulang. Magkakaroon pa kaya sila ng pagkakataong mabuo muli bilang isang pamilya?
Desidido si Nadia na patigilin si Makmak sa kanyang boxing career sakaling matalo ito sa kanyang laban. Gayunpaman, buo ang loob ni Makmak na manalo dahil hindi opsyon para sa kanya ang matalo.
Naghahanda na si Makmak para sa kanyang unang laban bilang isang professional boxer. Handa na kaya siyang patunayan na kaya na niyang makipagsabayan sa mga pinakamahusay sa ring?
Matapos ang matinding pag-eensayo at paghahanda, sasabak na si Makmak sa kanyang kauna-unahang laban bilang isang professional boxer! Magtatagumpay kaya siya sa kanyang pinakahihintay na professional debut?
Matapos malaman ang buong katotohanan sa pananakot kina Tobuts at Hellboy, sinugod ni Makmak si Lance upang tanggapin ang hamon nito sa isang laban. Magiging katapusan na kaya ito ng kanilang matinding alitan?
Mahaharap si Makmak sa isang matinding dilemma dahil kahit handa na siyang kalabanin si Lance, tutol dito ang kanyang ama at ina. Itutuloy pa rin kaya niya ang laban kahit wala siyang suporta mula sa kanyang mga magulang?
Matapos malaman ni Lance ang relasyon nina Makmak at Chloe, nakipagpustahan siya na kapag natalo si Makmak sa laban, kailangan nitong hiwalayan si Chloe. Magagawa kaya ni Makmak na ipaglaban ang kanyang pag-ibig at ang kanyang tagumpay sa ring?
Nang malaman ni Nadia na si Caloy ang nagpadala ng mga bulaklak na natanggap niya, nagkaroon sila ng kasunduan kaugnay sa nalalapit na laban nina Makmak at Lance. Ano kaya ang magiging epekto ng kanilang kasunduan sa inaabangang laban?
Nadatnan ni Nadia si Nonoy na hinihikayat si Gloria na pigilan si Makmak sa laban kaya matapang niya itong sinabihan na huwag nang makialam. Titigil na kaya si Nonoy sa panghihimasok, o ipagpapatuloy pa rin niya ang kanyang plano?
Tuluyan nang maghaharap sa matinding sagupaan sina Makmak at Lance! Magagawa kaya ni Makmak na patunayan ang kanyang lakas at husay sa loob ng ring at talunin ang kampeon?
Matapos ang laban nina Makmak at Lance, kinausap ni Nadia si Makmak tungkol sa napagkasunduan nila ni Caloy na isama siya sa Olivares Team. Tatanggapin kaya ni Makmak ang bagong oportunidad na ito?
Matapos pumayag si Makmak na sumali sa Olivares Team, tumanggi si Lance na tanggapin ang kanyang desisyon. Ngunit nagbago ang lahat nang ibunyag ni Caloy ang kanyang plano na kumita mula sa karera ni Makmak at kontrolin ang direksiyon ng kanyang mga susunod na laban. Malalaman kaya ni Makmak ang tunay na intensyon ni Caloy bago mahuli ang lahat?
Sa wakas ay nalaman ni Nonoy ang naging desisyon ni Makmak na lumipat sa Olivares Team at labis siyang nasaktan nang malaman na itinago ng lahat ang mahalagang balitang ito sa kanya. Tuluyan na kaya nitong sirain ang tiwala nila sa isa't isa?
Ngayong nasa Olivares Team na si Makmak, determinado si Caloy na pigilan itong maging kampeon. Gagawin niya ang lahat upang makontrol ang mga laban ni Makmak at ang direksiyon ng kanyang karera. Makakatakas kaya si Makmak sa mga plano ni Caloy?
Kahit may mga agam-agam pa si Nonoy, pinili pa rin niyang suportahan ang desisyon ni Makmak na maging bahagi ng Team Olivares. Gayunpaman, hindi niya aalisin ang kanyang pagbabantay upang matiyak na magiging maayos ang lahat. Magiging tama kaya ang kanyang kutob?
Napahiya si Nonoy sa harap ng maraming tao nang tanungin siya ng isang reporter kung nakikipag-ugnayan pa rin ba siya sa lalaking kasama niya sa kontrobersyal na viral video. Paano niya haharapin ang hindi inaasahang tanong?
Habang nagsasaya ang lahat sa party, hinaluan ni Lance ang inumin ni Makmak at saka ito pinainom sa kanya. Ano kaya ang binabalak ni Lance sa pagpapasingit niya kay Makmak?
Matapos malasing, nahirapang mag-focus si Makmak sa kanyang training. Pinayuhan naman siya ni Nonoy na huwag basta-basta magtiwala sa mga taong nasa paligid niya.
